Исчистени се девет диви депонии во градот Кавадарци, изнесени се пет илјади кубни метри смет. Јован Ристов, раководител на Работната единица за хигиена и зеленило при Јавното претпријатие “Комуналец”, информира дека во изминатиот период се стави крај на дивите депонии на улицата “Клинска” и кај спојот на улиците “Блажо Алексов” и “Ѓорѓи Соколов”, близу Белка зградите. Се чистеше и кај тениското игралиште на “Северен булевар”, но и на улицата “Ресавска”-запад. Комуналните работници дејствуваа и на “Западен булевар”, под гробиштата, на улицата “Сутјеска”, како и на улицата “Рајко Жинзифов”, кај детските реквизити на “Голи оток”. Исчистен е и нелегално оставениот смет во месноста “Коњски дупки”, на улиците “Црноречка” и “Ѓоре Брушански”. Отстранет е и дивиот отпад од кејот на реката Луда Мара во Ваташа, како и од мостот на улицата “Видео Смилевски”.-Нашите секојдневни активности покрај другото, опфаќаат и редовна грижа за хигиената во општината. Така ќе продолжиме и во иднина. Се со цел еколошка животна средина, нагласува Ристов.

Денеска во кругот на ЈП "Комуналец" - Кавадарци на свечен начин во употреба беа пуштени метларки, кои се со целосна донација во вредност од 85000 евра од страна на "Синалко" - Дуизбург, "Кожувчанка" - Кавадарци и "ИГМ Трејд" - Кавадарци. Со ова градот Кавадарци добива еден огромен плус кон хигиената и чистотата, кон која ние како јавно претпријатие во служба на граѓаните секојдневно се стремиме, се со цел за почист град и задоволни граѓани од чистотата и хигиената во истиот.

Денеска ЈП Комуналец во промет пушти две нови комунални возила. Првото е автосмеќарка со капацитет од 16 м3 што е доста практична и ќе се користи за собирање на сметот од централниот дел на градот, а второто теренско патничко возило е наменето за контрола на мини хидроцентралите и изворите „Лукар“.